蛋仔記雞蛋仔

營業中

休息中

講到香港特色小食當然係雞蛋仔同格仔餅，見到呢間蛋仔記大排長龍，有唔少特別口味，最啱同外國朋友一齊買黎食～見到兩個店員密密做，我大概等左15分鐘有得食。① 章魚燒雞蛋仔 $42開頭會諗緊食落會唔會真係似章魚小丸子，又唔會喎！雞蛋仔有少少脆口，內裡軟綿，每粒都有章魚粒，加埋紫菜味同木魚碎，味道熟悉又口感豐富。② 開心果醬格仔餅 $40潮流興開心果，呢個格仔餅都加埋開心果醬同開心果碎，感覺比傳統落砂糖煉奶花生醬健康。而格仔餅口感偏鬆軟，食落有蛋香味。③ 鳳梨椰果 $29茶味帶澀，中和番菠蘿甜味，解膩。