元朗新記 (吳松街)

營業中

休息中

對於雖然知道元朗隱藏好多餐廳,但由於元朗真係太遠,自已又仲未有動力踏入元朗.今日經過佐敦,見到呢間新記寫明黎自元朗就即刻有動力入去試下.海鮮粥係招牌就當然要試試,海鮮粥用砂鍋上,內裏有鮮蟹,蝦,帶子等等.粥底吸晒海鮮既鮮味之餘又帶點腐竹既香味,無味精所以食完都唔會口渴,入口夠綿滑.XO醬豬扒炒公仔麵,公仔麵炒得乾身之餘又麵質唔會變糊,食落仲好有彈性.XO醬味夠香帶點辣味又唔會過鹹,加上少少配茶食落更香蔥蒜味,再係面上加點芝麻粒更香口.豬扒入口鬆化煎炸得香而不膩.酥炸魷魚鬚炸得好脆身,咬落脆卜卜,內裏魷魚鬚唔會炸得過老,入口爽彈富有口感.