影片
更多
2024-06-13
186 瀏覽
吔咩嗲 吔嘢事無所 （13/6/2024）今天同朋友去荃灣鱟地坊行街食飯，朋友和我都喜歡吃有特色嘅食物，佢話附近有間餐廳好啱我哋，這間餐廳是一間食日式小菜嘅餐廳，佢係自家製嘅日式小菜，名叫吔咩嗲 吔嘢事無所，位於荃灣鱟地坊42號𧙗強樓地舖，港鐵荃灣站A1出口，行幾分鐘就到，十分方便。餐牌上有多款日式家庭料理食品，有湯、熱菜、冷菜、日式三文治、小食、甜品、飲品，仲有套餐一汁多菜定食，可以選熱菜冷菜，仲包埋飯同湯，價錢唔貴又好抵食，只加小小錢仲有埋飲品甜品，我哋先選咗3款熱菜和1款冷菜，而最主要我哋想叫嘅特色食品，就係日本大熱炸厚多士，油治及輕忌廉甜品係東京出名嘅甜品。熱菜嘅鹿兒島吉列黑豚肉餅，金黃色外表酥脆內裏肉軟，而且熱辣辣啖啖肉，雖然炸到個外皮好鬆化，但入面啲肉仲保留到好多汁，餡料混著濃郁的洋蔥味道，不膩口好味好食。熱菜嘅安格斯牛櫛瓜卷配自製洋蔥蘋果醬，原來可以揀啲牛肉嘅熟度有幾多成熟，我選了七成熟，牛味幾濃，入面包左翠玉瓜片，仲食到安格斯牛肉味，蘋果醬好果香，令到口感更豐富。熱菜嘅北海道牛肉薯餅，薯味好突出，成個牛肉薯餅好鬆化，唔會炸到死實實乾乾，又唔油膩，而且仲好香牛肉味，亦令口
今天同朋友去荃灣鱟地坊行街食飯，朋友和我都喜歡吃有特色嘅食物，佢話附近有間餐廳好啱我哋，這間餐廳是一間食日式小菜嘅餐廳，佢係自家製嘅日式小菜，名叫吔咩嗲 吔嘢事無所，位於荃灣鱟地坊42號𧙗強樓地舖，港鐵荃灣站A1出口，行幾分鐘就到，十分方便。
餐牌上有多款日式家庭料理食品，有湯、熱菜、冷菜、日式三文治、小食、甜品、飲品，
仲有套餐一汁多菜定食，可以選熱菜冷菜，仲包埋飯同湯，價錢唔貴又好抵食，只加小小錢仲有埋飲品甜品，我哋先選咗3款熱菜和1款冷菜，而最主要我哋想叫嘅特色食品，就係日本大熱炸厚多士，油治及輕忌廉甜品係東京出名嘅甜品。
熱菜嘅鹿兒島吉列黑豚肉餅，金黃色外表酥脆內裏肉軟，而且熱辣辣啖啖肉，雖然炸到個外皮好鬆化，但入面啲肉仲保留到好多汁，餡料混著濃郁的洋蔥味道，不膩口好味好食。熱菜嘅安格斯牛櫛瓜卷配自製洋蔥蘋果醬，原來可以揀啲牛肉嘅熟度有幾多成熟，我選了七成熟，牛味幾濃，入面包左翠玉瓜片，仲食到安格斯牛肉味，蘋果醬好果香，令到口感更豐富。
熱菜嘅北海道牛肉薯餅，薯味好突出，成個牛肉薯餅好鬆化，唔會炸到死實實乾乾，又唔油膩，而且仲好香牛肉味，亦令口感爽脆，同黑豚肉餅一樣好好食。
冷菜嘅左口魚秋葵伴柚子醋櫻花，左口魚好新鮮，經過輕炙後散發着魚油嘅香味，配上柚子醋更增加清爽感，味道酸酸甜甜，令人食得開胃。白飯追加既好處令到白飯沾滿蛋黃汁，成碗白飯即刻變得鮮甜，再配餸菜入口真係好味，而是日湯個湯好足料，好味好飲。飲品日本柚子蜜同檸檬士多啤梨特飲都好飲，亦好配合來食熱菜同冷菜。
甜品特別之處是將兩塊多士油炸之後再放上輕忌廉，跟住再加上唔同嘅配料同埋麻糬來食，我哋就叫咗藍莓同特濃抹茶加埋麻糬。藍莓多士奶油係藍莓味，再灑上非常多嘅藍莓果粒，輕忌廉層次做得唔錯，配埋烘過既牛油厚多士，真係好好食，而特濃抹茶勁香抹茶味，中間夾咗嚿抹茶味長崎蛋糕，然後灑上滿滿抹茶粉，而奶油最重點都係抹茶味，加埋麻糬軟糯令口感食落好特別好滿足。
這間日式小菜餐廳好值得推薦俾大家，食物好食又抵食，食物質數高， 價錢又唔貴，我哋下次一定再嚟捧場。
張貼
