麵鮮醬油房周月 (海光街)

營業中

休息中

近年香港多左好多沾麵舖頭，一直都冇機會食一次真正嘅沾麵。見到周月主打沾麵，搵日OT到辛苦就約朋友落去食餐好嘅獎勵一下自己。講真，價錢係比較貴嘅，值唔值哩個價錢就見仁見智啦。等我分享一下我嘅評價啦！首先，肉 - 係少嘅。相比平時嘅拉麵店，周月沾麵嘅肉可以話係平常嘅一半。但係原諒佢主打係麵嘛，咁就講下d麵啦 - 有咬口，硬度可以自己選擇，味道好，旁邊配嘅半熟蛋亦高水準。最後，湯 - 濃味，油分會黏住麵條，正！周月沾麵唔係將湯同麵分開，而係透過沾哩個動作，融合返兩樣食材。係一次難忘嘅沾麵經驗，價錢同食物都難忘哈哈！