吞POT 雞煲火鍋.住家菜

營業中

休息中

近幾次出街打邊爐都係食麻辣湯底😝或者係雞煲，已經好耐冇食過傳統嘅港式邊爐。今日挑起條癮好想食，所以就嚟咗吞pot😙我哋叫咗鴛鴦湯底，分別係薯仔蕃茄湯同魚湯。兩款湯頭都好正🤩 蕃茄薯仔飲得出用咗好多蕃茄嚟煲，湯鍋仲有大量薯仔蕃茄，真材實料！魚湯更加有驚喜，湯係奶白色🤤仲要一啲都唔腥，好鮮甜，正👍🏻所以我哋都專登叫咗魚肚，即炸響鈴，兩者好似海綿咁吸收晒湯底嘅精華🤣大家一定要試！另外飲咗杯青瓜特飲都好正，夏天太熱，清涼消暑。