金鳳大餐廳 (金鳳樓)

營業中

休息中

同幾個朋友做完嘢食晚飯，其中一個朋友想鋸扒就諗到去金鳳食啦，順便同一個朋友餞行，等佢可以食返啲傳統港式鐵板餐。金鳳老店位置響兩個地鐵站中間，不過行過去其實都唔算太遠。羅宋湯同麵包咁多年水準都好穩定，特別係個羅宋湯少少酸酸辣辣感覺特別開胃。今次叫咗個貴族牛扒（美國牛肩肉）三成熟，上菜都算快，熟嘅程度都適合，份量好似比以前少咗啲，不過而家成本上漲都合理嘅，整體來講維持水準，真係食得返以前港式餐廳鐵板餐嘅味道。大家最開心都係淋蒜蓉或者黑椒汁嘅時候，大家要攞起張紙巾擋住嗰種感覺最有回憶。