彩福皇宴 (已結業)

今日去飲茶, 一行4人去官塘鱷魚恤大廈的”彩福皇宴”, 由APM商場通過去都好方便, 不過負責鱷魚恤大廈 ”車立”的小姐好唔掂, 又唔幫你按住度門咖喎, 入去”車立”就成個人咁”得”住按層數的位, 但又唔主動問人地去幾多樓咖喎…離奇。一出”車立”口就開始擺枱，　地方唔算好大，　不過都坐得幾舒服。我地叫咗：燒腩仔：個皮好脆，　好食。不過友人話唔夠肥。鴨舌海哲：我淨係食海哲。蝦餃：一般。炸鯪魚球：好食，　夠大粒。炒蘿蔔糕（粒）：幾香口，　不過有ｄ蘿蔔糕（粒）粘在一起。流沙飽：我無食，　不過友人話一ｄ都唔流沙。時菜：生菜，　ｏｋ好味，　有蒜粒。潮州粉果：怪怪的，　個皮好透。食落都係一般。鳳爪：ｏｋ。燕窩椰皇：友人食。蛋撻仔：個皮太厚，　唔好食。錦鹵雲吞：呢個要讚　（個汁），　因為市面好多地方食的錦鹵汁係無“料”的，　純粹係汁，　呢個就最傳統，　有好多料：魷魚、叉燒、豬肉、蝦．．．好好食。不過個雲吞就麻麻地。炸魷魚鬚：個樣炸得好硬柴柴咁，　但係落又唔係，　好食。壽包：友人一個人食。Service都幾好，　成日refill水，嘢食ｏｋ喎，絕對有下次。