影片
更多
2017-03-19
4134 瀏覽
以往客家人大時大節都會食盤菜，一家大小圍桌共食，共聚天倫。時至今日，盤菜愈來愈普及，每近新年好多大型連鎖中菜餐廳都有供應，甚至快餐店亦會有盤菜嘅踪影。但身為客家人嘅我又點會啱嗰D新派口味，總要食返最愛嘅傳統味道，而呢度就係我嘅第一選擇。呢度只有分大盤同小盤，大盤係約12人份量，而小盤就約6人份量，內容都係一樣。訂咗日子同時間去拎，就拎回家自己翻熱喇！（溫馨提示，最遲7點拎，同埋個盤係唔可以用電磁爐。）返到屋企，放上爐上加熱一陣至微微出煙，再打開封住表面嘅錫紙，一陣陣熟悉嘅香味引得我口水流！食材依舊堆到成個山丘咁，比較貴嘅食材會鋪滿表面，有大蝦、蠔豉、油雞、燒鴨、鮑片等等，下層就係豬腩肉、魚蛋、豬手、支竹、芋頭、冬菇、豬皮、蘿白。通常我會由面層食起，一來係座山太高，二來係因為面層嘅食材唔會好吸味，煮太耐只會變老。雖然唔好睇，但建議大家一路食不妨用公筷摷亂下，當你食到下層嘅時候，你就會發現原來下層已經嘅食材已經吸曬所有食材嘅精華，豬腩肉、豬手、芋頭、蘿蔔等等平時呢D唔起眼嘅食材，會變身成為美味非常嘅極品！最後記得記得！唔好做大嘥鬼！因為隔餐食更入味哦！
時至今日，盤菜愈來愈普及，每近新年好多大型連鎖中菜餐廳都有供應，甚至快餐店亦會有盤菜嘅踪影。
但身為客家人嘅我又點會啱嗰D新派口味，總要食返最愛嘅傳統味道，而呢度就係我嘅第一選擇。
呢度只有分大盤同小盤，大盤係約12人份量，而小盤就約6人份量，內容都係一樣。訂咗日子同時間去拎，就拎回家自己翻熱喇！（溫馨提示，最遲7點拎，同埋個盤係唔可以用電磁爐。）
返到屋企，放上爐上加熱一陣至微微出煙，再打開封住表面嘅錫紙，一陣陣熟悉嘅香味引得我口水流！
食材依舊堆到成個山丘咁，比較貴嘅食材會鋪滿表面，有大蝦、蠔豉、油雞、燒鴨、鮑片等等，下層就係豬腩肉、魚蛋、豬手、支竹、芋頭、冬菇、豬皮、蘿白。
通常我會由面層食起，一來係座山太高，二來係因為面層嘅食材唔會好吸味，煮太耐只會變老。雖然唔好睇，但建議大家一路食不妨用公筷摷亂下，當你食到下層嘅時候，你就會發現原來下層已經嘅食材已經吸曬所有食材嘅精華，豬腩肉、豬手、芋頭、蘿蔔等等平時呢D唔起眼嘅食材，會變身成為美味非常嘅極品！
最後記得記得！唔好做大嘥鬼！因為隔餐食更入味哦！
張貼
