祥興麵家 (已結業)

又到星期六一個人搵晏食，今次揀傳統老牌粥麵店祥興，其實都食過好多次，第一次推介。祥興位於鴨記，以賣粥麵煲仔飯為主，老店裝修當然就是老。今次點了豬潤牛肉粥及淨雲吞，豬潤牛肉粥強調是豬仔潤食落無(押)味亦唔會太熟幾老，牛肉嫩滑有口感，叫伙記拎隻豉油碟，豉油加辣椒油點豬潤同牛肉，正呀，祥興自家製辣椒油除辣味更有一份香味。淨雲吞有7粒，食好多好多蝦，蝦肉鮮甜加上唔太肥豬肉同薄薄雲吞皮，好食，尤其是個湯底，應該有大地魚所以好鮮甜好好飲，大家不妨一試。