華香雞 (已結業)

今日係觀塘探完爺爺，去到工廈區搵野食，屋企人話附近有間老字號食華香雞好出名，仲講述到曾經華香雞係有好多分店，係間平民食堂。華香雞 （例牌 ）雞件好滑，薄薄一層雞皮，並沒有過多肥膏，怕油怕肥既朋友都可以成舊食到，例牌份量都唔少，兩個人食岩岩好，提供左三款醬料可以配搭黎食。煎黃飯 飯煎得好香，黃飯姐係落左薑黃去炒飯，加配椰菜同蛋，蛋好入味，而飯帶陣陣薑黃香，鍋底仲有d飯焦。椒鹽九肚魚 非常足料，炸粉唔太厚，外層香脆，魚肉嫩滑，因件數都幾多，食多左會覺得有少少油膩。建議人多點呢個就無問題。價格合理，唔洗下下係大商場食飯，支持下老店都唔錯。