皇茶冰室 (已結業)

路德圍附近最多食店， 喺掛八號風球之前去食個飽肚先， 一掛八號就要喺屋企度食。 不過呢個時間已經開始少人唔知係咪沖洗去街市超級市場入貨呢， 喺澳門已經有通知，叫人入定3日糧食。今日去咗搵下午茶嘆， 第一次嚟呢間舖頭個menu有好多嘅選擇，有下午茶午餐以及常餐。 全部都冇加一服務費一入到門口，服務員已經有禮貌服招呼客人。點咗份乾炒牛河咖哩豬扒公仔麵， 豬扒煎得幾好食， 但係啲面有啲鹹， 咖哩係普通嘅黃咖哩仲有買飲品送，奶茶非常正宗冷氣非常充，又少人，服務周到買單一人都係40蚊有找整體嚟講，呢間係裝修豪華啲嘅傳統茶餐廳。