Samsen 泰麵

營業中

休息中

人氣長期高企嘅泰國餐廳，上次朋友帶我嚟食過覺得幾好食。 今次一個人晚市時段再去試吓。晚市時段18:00開始， 但17:30左右已有人開始排隊。 餐廳裝飾佈置簡樸，整潔企理，環境雖會比較嘈，但顯得更有街邊檔地道味道。今次安排坐bar 枱位 ， 看一下只得一張紙的menu , 叫咗碗上次沒有食過嘅《招牌泰式豬肉濃湯粉》。侍應上餐速度之快，就一杯水都未飲完， 碗粉已經放到面前。湯底看得出熬相當濃郁，加上泰國香料香葉味道，味道確實唔錯，一碗地道得來會比在泰國食到更好嘅味道。 不過，價錢就 ...另外叫咗泰國椰子雪糕做甜品。勁多雪糕放在半個小椰殼上，雪糕上鋪滿花生，粟米，椰子肉等配料 ，打卡一流。 至於味道，不太清楚椰子雪糕是自家製， 還是買回來 。 椰子雪糕味道清甜， 香滑 ， 但個人覺得椰子味道唔夠濃郁。