倫敦大酒樓

營業中

休息中

出開旺角，唸起呢度有間舊式酒樓好有特色，就上去睇下。搭lift去3樓，嘩，人山人海，星期六早上11點都咁多人，重要自己搵位，好彩最後都搵到張二人枱，唔駛搭枱。呢間酒樓好有懷舊feel，有推車點心，又有大排檔，點心款式都好多，價錢又唔係貴。最後食左以下點心：牛肉 - 有3粒，大大粒，味道都唔錯。蝦餃 - 皮薄餡靚，幾好味！燒賣 - ok好食，但冇驚喜。生菜水餃 - 係大牌檔叫，幾大碟，味道幾好，都係$43，性價比高。蛋撻 - 雖然得兩件，但大大件，熱辣辣，好有蛋撻味，食完有滿足感。本來想去大排檔攞棷王，但排隊既人太多，最後都係決定唔要，留番下次，咁多人排，相信有一定質素。