拉麵Jo

營業中

休息中

呢間傳統風味嘅拉麵🍜小店有好多款好味嘅拉麵同小食選擇。好多年前食過，今次再嚟試下水準keep唔keep到😎我超鍾意蒜油，所以揀咗蒜油豚骨拉麵$91。呢碗拉麵用咗日本蒜油同豚骨湯煮，味道好濃郁，有豬骨嘅香味同蒜香味。用上幼麵、配料有叉燒、椰菜、青蔥、竹筍同木耳，令拉麵更加豐富口感同風味。另一碗試咗特製魚介豚骨拉麵$105。呢碗拉麵以魚介湯為底，加咗特製嘅魚介醬料，味道更加鮮甜。糖心蛋蛋黃橙黃色，好味😋佢哋亦有自家製嘅餃子水$48/5隻。呢啲餃子用傳統嘅方法製成，餡料好豐富，皮煎得酥脆。小食選擇仲揀咗炸八爪魚球$52 🐙八爪魚球炸得金黃酥脆，加上柴魚、沙律醬更好味。