長發麵家 (已結業)

食物和味道:三個人食叫咗四個麵，再加汽水豉油撈幼$38:店家唔俾加餸，淨係可以單點豉油撈麵。呢個麵加左豬油，甜豉油。味道偏甜唔使再加其他醋，辣椒油，就咁食已經好好味，麵質爽口，而且唔會食到鹼水味，豬油味好香，呢個一定要再叫🤤🤤🤤其他餐廳食唔到呢種味道👍🏽👍🏽👍🏽牛腩撈粗$50, 豬手撈幼$50:麵質都係爽口，但呢個有鹼水味要加醋，我係叫牛腩撈，個汁係牛腩汁，汁嘅味道適中，有八角嘅香味，而且唔會好傑，撈埋落麵食啱啱好。啲牛腩就一半牛腩，一半牛筋。因為係炆牛腩所以好多時都會比較上柴口，但我嗰啲大部份都有少少肥係中間而且炆得淋(不過都有一舊硬啲，可接受） 牛筋就唔使講，好軟熟，又唔會太張口🤤🤤🤤🤤豬手每一件都炆好適中，唔會太淋，都唔會太硬，味道係南乳，不最食豬手最唔想嘅係有毛，而佢係有嘅😅😅小小啦，唔係好多🧐魚蛋河$38:魚蛋同魚片都係彈牙，唔會腥味，市面上嘅粉面攤檔河粉都係實色，而佢係透透地，通常都會好滑，我冇食過不過就咁睇都覺得好出色，而且屋企人好喜歡👍🏽👍🏽👍🏽👍🏽清湯嘅味道係淡淡嘅大地魚味唔會太濃，叫任何撈麵都會附送一碗Cp 值及夠飽: 食左大約$200，相比起其他粉麵檔，佢係貴啲嘅