Lawry's The Prime Rib (已搬遷) 新店位置

今日同老公慶祝生日，所以揀咗Lawry prime rib位於金鐘和記大廈, 位置唔算方便但都唔難揾。餐廳裝修以傳統氣派為主，以深紅絲絨梳化配大圓枱，座位空間闊落，光線柔和，店員服務態度殷勤細心~因為老公鍾意食牛，當然要點佢地既signature prime rib啦，五成熟岩岩呈粉紅色，肉質非常鮮嫩，加埋個薯蓉份量啱啱好，順帶一提佢嘅蘑菇湯味道非常濃郁，好重蘑菇味，好creamy👍🏻由於老公生日所以可以係book枱時同店員講聲，餐廳就會送一客蛋糕，最窩心嘅係會有一張即影即有相送埋俾你地。💕餐廳整體感覺高級但有又不會讓你太拘謹，最適合慶祝特別節日🥂