影片
更多
2015-10-09
286 瀏覽
師傅大力推介奶皇包，話係進化版爆漿流沙金粒奶皇包！即叫即蒸無得輸既出品！係咪真呀？就等我親身試一試龍與鳳。新出燉湯餐勁抵食，盅飯、點心、燉湯只需 $62 乍！流沙金粒奶皇包，唔洗 5 分鐘新鮮出爐！師傅千叮萬囑食既時候要小心，因為裡面非常之熱架。無緊要，我飲開滾油既。師傅再三提醒唔好成隻啪呀，一定灼到起水泡又甩皮架。仲有要保持距離慢慢搣開，唔好心急大大力，堅會爆出黎架。我知喇，多謝晒，哈哈。個包皮光肉滑好靚女喎，揸揸先。熱辣辣又非常有彈性，勁有手感，揸到愛不釋手，但真係太熱，都係要放低一陣先。係時候開包喇，係中間溫柔地擘開，即時有野流出黎。勁香奶皇味直衝腦袋，金黃色既岩漿不停湧出，急流一樣，圍繞著鬆軟既麵包。忍唔住一定要即刻咬一口，香甜味美，奶皇味特濃而且幼滑非常，仲有金粒夾雜其中添！咸蛋黃跟奶皇味道一向絕配，一咸一甜、一靜一動，撞到精采絕倫！您唔好同我爭呀，兩隻包都係我架，要食自己叫啦！依雙玉包非試不可！蒜香鮮蝦長春卷，甜完又黎咸過，好耐無食喇，成日都賣晒，師傅話太忙，忙到無時間補貨呢，無辦法，要食真係要請早，經常 12 點未夠已沽清。落足本錢、落重料既春卷點會唔受歡迎，從未食過蒜味
師傅大力推介奶皇包，話係進化版爆漿流沙金粒奶皇包！即叫即蒸無得輸既出品！係咪真呀？就等我親身試一試龍與鳳。新出燉湯餐勁抵食，盅飯、點心、燉湯只需 $62 乍！
流沙金粒奶皇包，唔洗 5 分鐘新鮮出爐！師傅千叮萬囑食既時候要小心，因為裡面非常之熱架。無緊要，我飲開滾油既。師傅再三提醒唔好成隻啪呀，一定灼到起水泡又甩皮架。仲有要保持距離慢慢搣開，唔好心急大大力，堅會爆出黎架。我知喇，多謝晒，哈哈。
個包皮光肉滑好靚女喎，揸揸先。熱辣辣又非常有彈性，勁有手感，揸到愛不釋手，但真係太熱，都係要放低一陣先。
係時候開包喇，係中間溫柔地擘開，即時有野流出黎。勁香奶皇味直衝腦袋，金黃色既岩漿不停湧出，急流一樣，圍繞著鬆軟既麵包。忍唔住一定要即刻咬一口，香甜味美，奶皇味特濃而且幼滑非常，仲有金粒夾雜其中添！咸蛋黃跟奶皇味道一向絕配，一咸一甜、一靜一動，撞到精采絕倫！您唔好同我爭呀，兩隻包都係我架，要食自己叫啦！依雙玉包非試不可！
蒜香鮮蝦長春卷，甜完又黎咸過，好耐無食喇，成日都賣晒，師傅話太忙，忙到無時間補貨呢，無辦法，要食真係要請早，經常 12 點未夠已沽清。落足本錢、落重料既春卷點會唔受歡迎，從未食過蒜味咁濃又啖啖蝦肉既春卷。外層炸得金黃香脆，裡面蝦肉爽彈鮮，配上喼汁點綴一下，醒胃開胃，拍案叫絕，好好味呀！
鱆魚蒸肉餅飯，其實鱆魚對身體好有益架，含有豐富的蛋白質、礦物質等，仲可以抗疲勞抗衰老添。淋上大量清香不濁既甜豉油，再撈飯連大大舊鱆魚肉餅送入口，好幸福啊！鱆魚肉餅又彈又滑，兩者味道均濃郁，仲食到粒粒爽口清甜馬蹄碎呢。飯粒乾爽飽滿而有咬口，每粒都沾上自家甜豉油，美味！
淮山杞子螺頭燉雞腳湯，最後以原盅紫砂燉湯寫上完美句號。倒出個碗道飲更方便，又可以大大啖咁飲，爽呀！熱到出煙既老火燉湯，螺頭既精華完全滲入湯汁之中，跟雞味、瘦肉及淮山杞子混和，真材實料勁香甜！想即刻一滴不漏倒晒落肚呢。飲完全身發滾，夠晒補身，正到震！叫返兩個外賣湯益吓老友先。
張貼
