Chop Chop 食神叉燒 (新城市廣場) (已結業)

成日聽黯然銷魂飯今次特登專程帶朋友嚟到試一試！ 頭盤叫咗個燒鵝油雞雙拼， 配埋佢嘅甜酸汁同埋薑蓉味道非常不錯， 雞肉非常滑嫩主菜黯然銷魂飯佢嘅叉燒係用咗五花腩部位所以食落口感係半肥半瘦口感非常juicy ，雞蛋係用咗初生雞蛋所以非常嫩滑， 特別一讚就係師傅特別調製嘅醬汁用嚟拌飯非常特別好吃， 又唔會太鹹。 仲有叫咗一個招牌食神炒飯，裏面有蝦仁帶子青豆等等配菜，面頭就加咗蟹子，炒飯粒粒分明口感都幾好不錯。 飲品方便叫咗一杯咸檸七同埋鹹檸樂， 個咸柑桔又幾大粒非常足料， 值得推薦一試！ 環境方面地方都幾寬敞開揚，食得舒服，位置喺沙田近一田附近都非常容易搵到。