Lobster Central (已結業)

環境好清雅，細細間，但夠坐都舒服😆龍蝦包同蟹肉包，包底都有牛油烘過，好香好鬆軟。😍龍蝦包啲肉算多，蝦鉗好大隻，好有質感，但龍瑕包d蝦肉就唔夠新鮮，食落無咩味，只係有醬既味，有改善空間😅 反而蟹肉包就驚喜地好食，啲蟹肉同醬汁混合埋好好味，而且價錢比龍蝦包平，下次食可以揀返呢個，推介！另外，嗰個炸甜薯薯條，甜甜地又脆脆地好好食，都係推介呢個。整體來講，價錢偏貴，但品質尚可以。兩個人食以上三樣嘢，都有少少飽嘅，因為啲cream好滯口。