傷心酸辣粉 (西洋菜南街) (已結業)

星期日晚，原本系旺角行街，行行下，同哥哥就不經不覺咁行到去太子。果陣都已經系夜晚9時了，果刻又想食粉麵，所以見到呢間店就入去了。入面座位吾太多，間店空間細細的。睇左餐牌，同哥哥就分別叫左一碗招牌的傷心酸辣粉（小辣）套餐，有一碟滷水拼盤跟餐。同埋另外叫左一碟手撕雞冷麵（有可樂送）。先講一講碗傷心酸辣粉，吾太食得辣，嗌小辣就岩曬。酸辣粉d辣好香，仲有花生、莞茜，好香口。而滷水拼盤有雞翼、豬大腸、蛋、吾知鴨腎定雞腎，味道都幾好。不過，手撕雞冷麵，個人反而不太喜愛，嗌左小辣都好似好辣咁。