影片
更多
2023-11-11
19 瀏覽
聽日唔使返工，即刻大嗌TGIF，梗係搵個地方Hea下嘆下。 知道觀塘有間新開嘅咖啡研究所，今日就去試。Handdrip Coffee $88之前讀過咖啡課程，對咖啡有極大好奇心，於是同Barista 傾起上嚟，當然要飲手沖咖啡，今日有 Sidra 豆，正喎，因為Sidra品種曾經喺2022年獲得WBC 世界冠軍，雖然唔係出自同一個莊園，點都要品嚐下。豆出自哥倫比亞、用雙重厭氧法處理、中淺烘焙、1:15粉水比、94度水溫，barista 磨豆個陣已經香噴噴，心裡暗喜，真係冇揀錯，細心到仲跟埋2款杯，whisky 杯口比較窄係幫助客人加強聞入咖啡香氣，而闊口杯則令你飲到酸甜嘅fruity 味道，入口真心覺得有複雜度同埋層次，頭段熱飲酸度足夠，帶士多啤梨、蜜桃風味，中段溫飲亦夾雜一點紅酒香，尾段室溫就有朱古力味包底，口感非常之豐富。Orange Black $48意大利人教落「奶啡」只係朝早當早餐咁飲，所以我地揀咗橙汁咖啡，barista 話今日個base 係用左 Kenya single origin (日曬處理)，帶有黑莓同芒果風味，飲落口同橙味十分匹配，令到凍咖啡都帶複雜度，清新又開胃
Handdrip Coffee $88
之前讀過咖啡課程，對咖啡有極大好奇心，於是同Barista 傾起上嚟，當然要飲手沖咖啡，今日有 Sidra 豆，正喎，因為Sidra品種曾經喺2022年獲得WBC 世界冠軍，雖然唔係出自同一個莊園，點都要品嚐下。豆出自哥倫比亞、用雙重厭氧法處理、中淺烘焙、1:15粉水比、94度水溫，barista 磨豆個陣已經香噴噴，心裡暗喜，真係冇揀錯，細心到仲跟埋2款杯，whisky 杯口比較窄係幫助客人加強聞入咖啡香氣，而闊口杯則令你飲到酸甜嘅fruity 味道，入口真心覺得有複雜度同埋層次，頭段熱飲酸度足夠，帶士多啤梨、蜜桃風味，中段溫飲亦夾雜一點紅酒香，尾段室溫就有朱古力味包底，口感非常之豐富。
Orange Black $48
意大利人教落「奶啡」只係朝早當早餐咁飲，所以我地揀咗橙汁咖啡，barista 話今日個base 係用左 Kenya single origin (日曬處理)，帶有黑莓同芒果風味，飲落口同橙味十分匹配，令到凍咖啡都帶複雜度，清新又開胃，咖啡師果然有心得。
菠菜忌廉煙三文魚燴意大利飯 $108
店員夠細心，問我地是否接受意大利正宗Risotto? 我地ok 呀，米身有啲啲硬係正常，個cream sauce 好好味，間唔中飲一啖orange black 口腔即時爽返晒，又可以再食。
半邊春雞拼烤豬肋骨 $148
份量好大，而家好少餐廳咁闊佬，熱辣辣好好味，雞嫩滑，而豬肋骨個汁醬好惹味，薯條脆卜卜就不在話下。
臨走前同barista 傾兩句，佢話11月有限定優惠，逢星期六日$158可以90分鐘內任飲手沖咖啡，我都諗住下次再嚟。
張貼
