INN - I’m Not Nothing (已結業)

今日難得放假，約左 閨蜜去E max 睇戲，睇戲前順便食個lunch由於我地太耐無見，諗住吹水都有排吹，所以就揀左間西餐廳，之前次次經過呢個餐廳已立入我既必食名單。我地大概一點入到去，基本上都係附近office 既人放飯，所以基本上都坐滿八成。lunch 有十個lunch set 揀我地揀左烤雞扒菠菜忌廉意大利飯和香燒加拿大豬肉眼配金巴利汁首先上餐湯，似係蘑菇忌廉湯既friend, 濃濃的，又唔會話好傑。之後順便上埋餐飲，包一杯28蚊以下既飲品，我地叫左凍檸茶同士多啤梨奶昔，朋友贊杯奶昔好好飲，唔會話好甜，又唔會超凍，啱啱好。之後正餐來了我既菠菜忌廉飯好濃既忌廉，飯既硬度啱啱好，入面加左洋蔥同磨茹撈埋一齊，食落去，個飯好香，賣相都好吸引。朋友既豬肉眼扒真係好厚，我諗有1.5cm 厚，真係唔知點樣煮得熟又唔會過左火侯，食到去有d 咬口，唔會太硬，再配上特別既醬汁，食落去唔會太油膩。我地慢慢食慢慢傾，咁就兩個鐘，雖然餐枱唔算大，但餐廳環境感覺上唔會太焗，適合聊天吹水。