金船長餐廳 (已結業)

大角咀多好野食不嬲都知，咁岩明天係同男朋友既紀念日，今晚決定揀間好味既餐廳食飯。去到因為好早，未有人等，我地入左去之後就開始多人。環境係航海feel, 個人幾鍾意！d waiter勁nice, 不時幫我地加薄荷水，又會介紹點食最好！其實佢除左呢個餐牌仲有好多選擇！我叫左呢個肉眼扒set, 個人覺得同outbreak差不多，五成熟岩岩好，好有牛香。薯蓉勁rich芝士味！個野菌汁好正，食食下仲有金菇！好驚喜！呢個黑松露pizza係見個個都推介所以叫既，本身覺得d食評誇左d, 但食完真心覺得好正！好豐富黑松露味！又脆，同上面d芝士味既麵包糠又好夾！仲有新鮮提子醋可配，真心覺得好正！我相信我會因爲佢再返黎呢間餐廳架！