影片
更多
2017-12-18
2598 瀏覽
由於大廈外牆正在維修，所以餐廳外都築起左棚架，但都無阻餐廳既特色，餐廳甚至於棚架上加上紫色既小燈飾，增加特色時，亦變得更舒服浪漫入到餐廳，面積唔算大，但佢既設計簡約得黎有心思，最特別係頭上係白雲燈，都幾靚架今晚小編同友人一共叫左一個晚市套餐，另外再散叫食物，所以會有一套餐湯及餐包附送，而另一套則額外加$20所得既當晚係忌廉蘑菇湯餐包方面都幾有驚喜，因為佢呢隻口感及味道都唔錯，甜甜地既小麥包禁，都唔錯啵餐飲方面，就每杯加$10就可以叫到上面兩杯既特飲架啦佢地係左邊既 : 薄荷青檸梳打 及 右邊既 : 波斯貓兩杯既味道都唔錯，而餐廳所用既杯亦係耐熱保溫杯，所以就算杯飲品太熱/太凍，都唔怕拎起佢(不過就好似變相感覺細杯左少少禁)$50 芝士松露蝦多士一共有4大件，每件都即炸勁香脆，咬落去唔油膩並有層次蝦肉入面釀有松露在內，所以食落概有蝦味，亦有濃厚既松露味道連同沙律醬食，好match $98 六吋海鮮雜錦薄餅呢個份量大小，兩至三個人分享食用，絕對適合味道雖然比唔上一般食薄餅嘅餐廳，不過屬於自家製嘅佢，呢個水準已經好唔錯香脆嘅薄批，配上上面大量海鮮配料及醬汁，絕對可以頂一頂想食pizza嘅癮$
由於大廈外牆正在維修，所以餐廳外都築起左棚架，但都無阻餐廳既特色，餐廳甚至於棚架上加上紫色既小燈飾，增加特色時，亦變得更舒服浪漫
入到餐廳，面積唔算大，但佢既設計簡約得黎有心思，最特別係頭上係白雲燈，都幾靚架
今晚小編同友人一共叫左一個晚市套餐，另外再散叫食物，所以會有一套餐湯及餐包附送，而另一套則額外加$20所得既當晚係忌廉蘑菇湯
餐包方面都幾有驚喜，因為佢呢隻口感及味道都唔錯，甜甜地既小麥包禁，都唔錯啵
餐飲方面，就每杯加$10就可以叫到上面兩杯既特飲架啦佢地係左邊既 : 薄荷青檸梳打 及 右邊既 : 波斯貓
兩杯既味道都唔錯，而餐廳所用既杯亦係耐熱保溫杯，所以就算杯飲品太熱/太凍，都唔怕拎起佢(不過就好似變相感覺細杯左少少禁)
$50 芝士松露蝦多士
一共有4大件，每件都即炸勁香脆，咬落去唔油膩並有層次
蝦肉入面釀有松露在內，所以食落概有蝦味，亦有濃厚既松露味道連同沙律醬食，好match
$98 六吋海鮮雜錦薄餅
呢個份量大小，兩至三個人分享食用，絕對適合
味道雖然比唔上一般食薄餅嘅餐廳，不過屬於自家製嘅佢，呢個水準已經好唔錯香脆嘅薄批，配上上面大量海鮮配料及醬汁，絕對可以頂一頂想食pizza嘅癮
$98 卡邦尼炒意粉
賣相唔錯，配料夠多，亦唔會太乾身
呢個比較大眾化嘅意粉，呢度都做得唔差整體調校得唔錯，絕對係如果揀唔到想食邊隻意粉，就揀佢啦
整體而言，呢間cafe係一間好用心製作，二一啲細節上嘅嘢都花有心思， 例如環境，以致碗碗碟碟，於大圍呢個地方來講，絕對係啱晒想搵個地方，坐低飲杯野，傾吓計嘅朋友㗎
張貼
