Bistroholic (已結業)

今日約左好朋友傾計食飯，前排見到宣傳好似吸引，又粉紅色又樓上鋪咁，應該靜靜地又岩女仔傾計，所以約左朋友黎呢到食飯。有一樣野好值得讚，今日天氣好凍，尤其夜晚，一上到去坐低就有待應比杯暖笠笠的薑湯我地，仲要好好飲，酸酸甜甜又暖。我個friend仲話竟然咁細心。咁2個人叫左3樣野食，因為主要都係想傾下計。咁我地都系跟住d宣傳介紹咁叫。叫左個包，佢地係home made ,我同朋友都好鍾意食包，所以一黎就叫左個包。個包好好食啊！香香地又夠熱同脆，應該係即刻烘脆佢的跟住叫左個沙律，佢有霧住煙咁樣送到台面，但我係比個香味吸引的，香木味。突然覺得呢間餐廳d野都好香。我就覺得沙律都唔錯，朋友就覺得幾好跟住就叫左個好多人讚，侍應又推介的意粉，放左花蓮辣辣，好惹味，又有蕃茄酸甜又有辣辣地，好開胃，我簡直想自己食晒一個，好好味！朋友吾太食得辣都食到，即呢道菜應該吾算辣超推薦大家去食，希望佢地會keep 住咁好味啦最後就見隔離枱叫了Tiramisu, 我地又叫,相都忘記影就食完啦，因為都好好食，好軟同滑，感覺好似幾正宗！讚👍🏻會返轉頭食的，下次試埋其他。