Nardo's Cafe (已結業)

話說有朋友就黎結婚,所以約左我地班兄弟團出黎食餐飯同傾下當日d野。間野係新郎哥book既, 佢話係cafe傾野好d喎, 可以慢慢傾。先講環境, 地方企企理理, 整整齊齊, 幾光猛, 似西餐廳多過cafe, 唔似得出面d cafe咁黑漆漆(方便我地睇住張run down傾野)食物方面: 我地七個人叫左六款晚餐, 分別係雜菌煙肉意粉, 肉醬意粉, 香辣鴨胸長通粉, 雞皇長通粉, 蒜香蜆肉意粉, 煙三文魚海蝦意大利飯, 另外加左個凱撒沙律同特濃芝士薯條, 大家share黎食, 可以試晒咁多樣野!!以cafe而言呢間野d野食的確算係幾好食。不過分量方面就可以加返多少少, 希望店方睇到可以改進一下。以下係小弟覺得特別好食既三樣野:沙律菜新鮮, 味道同出面食到既好唔同, 好特別。估唔到咁多野食最好食係個沙律!!好香蒜味, 蜆肉比得好多!!賣相吸引, 味道都好好, 如果真係用意大利米煮就perfect喇