Helen’s

營業中

休息中

我無乜胃口，只為見見朋友傾下計，所以就誤打誤狀咁黎咗Helen’s，搵咗呢個地方可以有野食比我朋友因為佢未食晚飯，又有野比我飲，最緊要係環境靜靜嘅可以比我地傾下計。我地叫咗海鮮忌廉汁意粉，Fish and Chips，同雞翼。以酒吧嘅質素來說唔錯了。唔似其他酒吧啲野食會凍嘅，佢係即叫整煮。唯獨魚柳炸皮有啲硬，但內裡嘅魚肉好嫩。雞翼辣辣的，令無胃口嘅我都食多兩隻。我今晚叫咗杯Sangria，喜歡水果嘅味蓋過紅酒嘅苦澀味。我覺得Sangria 係幾岩女仔飲，佢無烈酒嘅刺激，又有甜甜嘅果味。最後，酒吧當然會有花生啦！當中仲有我最鍾意嘅魚皮花生同芥末花生！不得提，呢度無加一服務費但服務一流！