影片
更多
2018-01-03
185 瀏覽
同事啱啱生咗BB，我地一行人就走去佢屋企探佢，探完就順手食埋個飯，於是係佢樓下個商場到搵，見到$298任食火鍋大家都廢事諗，二話不說就入咗去食。入到去發現同Times Square釣魚翁嘅卡座好似，坐低search咗陣先發現，原來係釣魚翁集團，咁就令我對呢間野嘅食物質數有返啲信心~ 呢度嘅飲料大約得13種，比起普通嘅放題餐聽算少，不過算啦~ 屋邨你仲想點呀? 有得你揀算好啦~ 話說呢度有幾種熱盤俾大家揀，丫, 我又無諗過除咗有得任食打邊爐之外，仲有熱盤前菜，幾抵。我拎咗豬手嚟試下食，係卥水嘅，唔會煮得太淋，而且入口啲皮仲係好爽口，卥水又入味，真係唔錯啊~ 話說呢個餐，係包個海鮮拼盤、刺身拼盤同埋個冬菇鮑魚，真係可以話幾抵啊~ 而我亦都係因為呢個刺身拼盤先打呢篇食評，因為連我食慣三文魚嘅朋友仔都話，呢度啲刺身真係好好食!!! 特別係三文魚，新鮮唔在講，而且切得唔薄，非常有口感，而且仲入口爽口，鮮味十足，媲美壽司舖呀喂! 推介推介! 另外個海鮮拼盤，雖然同張order紙個賣相好有分別，只有4款海鮮，不過都算新鮮，係少咗啲青口囉，不過order 紙有得任叫，咁佢唔放係度都由佢啦~ 蟶子入口
同事啱啱生咗BB，我地一行人就走去佢屋企探佢，探完就順手食埋個飯，於是係佢樓下個商場到搵，見到$298任食火鍋大家都廢事諗，二話不說就入咗去食。
入到去發現同Times Square釣魚翁嘅卡座好似，坐低search咗陣先發現，原來係釣魚翁集團，咁就令我對呢間野嘅食物質數有返啲信心~
呢度嘅飲料大約得13種，比起普通嘅放題餐聽算少，不過算啦~ 屋邨你仲想點呀? 有得你揀算好啦~
話說呢度有幾種熱盤俾大家揀，丫, 我又無諗過除咗有得任食打邊爐之外，仲有熱盤前菜，幾抵。
我拎咗豬手嚟試下食，係卥水嘅，唔會煮得太淋，而且入口啲皮仲係好爽口，卥水又入味，真係唔錯啊~
4 瀏覽
0 讚好
0 留言
話說呢個餐，係包個海鮮拼盤、刺身拼盤同埋個冬菇鮑魚，真係可以話幾抵啊~ 而我亦都係因為呢個刺身拼盤先打呢篇食評，因為連我食慣三文魚嘅朋友仔都話，呢度啲刺身真係好好食!!! 特別係三文魚，新鮮唔在講，而且切得唔薄，非常有口感，而且仲入口爽口，鮮味十足，媲美壽司舖呀喂! 推介推介!
4 瀏覽
0 讚好
0 留言
另外個海鮮拼盤，雖然同張order紙個賣相好有分別，只有4款海鮮，不過都算新鮮，係少咗啲青口囉，不過order 紙有得任叫，咁佢唔放係度都由佢啦~
蟶子入口爽口，一啲沙都無，洗得好乾淨 ~ 而且都唔算係好細條 ~
5 瀏覽
0 讚好
0 留言
啲青口都真係幾大隻，入口又爽口~
我叫咗個鴛鴦鍋，其實都無乜特別嘅，不過想俾下大家睇幾足料嘅湯底，清湯係皮蛋芫茜同埋馬蹄~~~
另一賣點係有蠔皇扣鮑魚啊!!! 雖然鮑魚唔算太厚肉，但係味道都唔錯，相當入味，花菇又大粒~
呢度嘅墨魚滑算係唔錯，賣相已經夠精緻，而且成舊膠質都幾勁，入口好彈牙，而且算係有墨魚味，畢竟係出面叫真係要80幾蚊舊，係呢度鍾意嘅任叫任食，真係算係咁啊~
呢個package 仲送極級牛頸脊，出面成$2xx 碟，係呢度送埋俾你食，不過後面就無任叫嘅肥牛咯….
不過牛肉入口真係好有肉味，而且油花紋路煮完之後都仍然清晰見到，所以入口除咗肉味，仲有陣陣油香~
好彩呢度有羊肉片搭救，我位鍾意食羊嘅朋友話，鍾意呢塊羊肉片有少少羶又唔好濃，容易食好多塊喎
少有地呢度竟然有竹笙任食，食咗咁多肉，我地都叫咗啲蔬菜食，賣相都幾唔錯，而且唔會切得好大舊，算係幾有刀功
竹笙又白又軟，無泡浸過咗龍，算係幾唔錯~ 仲保留到大致個型。
總括嚟講，我都無乜後悔係度食，雖然係屋邨商場，但畢竟係私人屋苑，都真係幾唔錯~
張貼
