影片
更多
2017-07-18
794 瀏覽
一早睇過好多關於呢間餐廳嘅好評，亦喺唔同平台見過佢地嘅招牌高踭鞋甜品，只係都知道喺度食晚飯價值不菲，所以留待特別日子先有機會到訪。週日男朋友一早預約好位置，參考過前面嘅食評，我地選擇左較早嘅時間，加上唔係住呢區，回家之路遠著呢，準時6點鐘入座。餐廳嘅裝潢配合名字，由門面開始都已經好有「公主」感覺，以白色、粉色為主調，碎花枱布、壁畫、以花為題嘅天花佈置等，都足以令我甫坐下就狂影相。加上天未黑前，窗外嘅自然光，影相會好靚到入黑後，又增添一份情調。睇番餐廳嘅午市、下午茶tea set定價都唔算好貴喎，尤其tea set，雖然未試過，但睇相都幾靚。本來以我地來得早，估唔到陸續都有唔少客入入座，而有大部分都係慶祝生日，無可否認，呢度確係好適合帶女伴前來。晚市供應套餐，包括沙律、前菜、餐湯、是日雪葩、主菜、甜品、飲品，定價視乎主菜，當日所見就有明太子汁意大利粉 ($498)、香煎深海驢魚 ($538)、慢煮羊架 ($568)、M9和牛 ($658)，此外亦有8/10/12 course嘅餐單，定價 $780/880/988，選擇富彈性，亦都方便一班同我一樣有選擇困難症嘅客人，因為餐單係包含著店家嘅
餐廳嘅裝潢配合名字，由門面開始都已經好有「公主」感覺，以白色、粉色為主調，碎花枱布、壁畫、以花為題嘅天花佈置等，都足以令我甫坐下就狂影相。加上天未黑前，窗外嘅自然光，影相會好靚到入黑後，又增添一份情調。睇番餐廳嘅午市、下午茶tea set定價都唔算好貴喎，尤其tea set，雖然未試過，但睇相都幾靚。本來以我地來得早，估唔到陸續都有唔少客入入座，而有大部分都係慶祝生日，無可否認，呢度確係好適合帶女伴前來。
晚市供應套餐，包括沙律、前菜、餐湯、是日雪葩、主菜、甜品、飲品，定價視乎主菜，當日所見就有明太子汁意大利粉 ($498)、香煎深海驢魚 ($538)、慢煮羊架 ($568)、M9和牛 ($658)，此外亦有8/10/12 course嘅餐單，定價 $780/880/988，選擇富彈性，亦都方便一班同我一樣有選擇困難症嘅客人，因為餐單係包含著店家嘅招牌菜式，份量唔會太多，但足以飽腹之餘，試多幾款。
因為第一次黎，都唔知食啲乜好，所以我地都聽從店員嘅提議點左一份8道菜晚餐($780)、一份晚市套餐($538)，咁樣可以一次過試到好多款食物呢。值得一提係，店員都相當專業，將菜式都介紹得好清楚點菜後，我地都試左幾款餐廳嘅曲奇，門面可以見到佢地嘅餅房，蛋糕、曲奇都好吸引。曲奇全人手製作，以低溫烘焙，而且強調低脂、低糖，食得健康。而且味道都好多選擇，有花茶、堅果系列、鹹味曲奇、辣味曲奇等。
鹹食曲奇更加係我地第一次食，原來味道咁特別，當中以蟹肉、西班牙火腿最為突出至於花茶系列，以圓肉杞子味道較清香，後續強粉紅玫瑰難免有種精油感。開心果仁、抹茶味道未見突出，咖啡合桃咖啡味香濃，而且有少少口感。朱古力甜度唔高，適合健康但又為食嘅朋友。提子燕麥則係一般曲奇味。
圓肉杞子、粉紅玫瑰、蟹肉、西班牙火腿曲奇
8 瀏覽
0 讚好
0 留言
抹茶、朱古力、提子燕麥曲奇
11 瀏覽
0 讚好
0 留言
餐廳有大部分小碟、杯子都係好靚，但主菜用上碟嘅則比較普通，不過擺盤都相當精緻。
蘆荀藜麥沙律：
而家好多餐廳都用上藜麥加入饌，夠健康嘛，加上爽口蘆荀，幾開胃呢。
蘆荀藜麥沙律
9 瀏覽
0 讚好
0 留言
椰菜花沙律、九層塔油：
用上以浸、煎、切片曬乾三種煮法嘅椰菜花製成沙律，展現同一種食材不同形態，當中以曬乾嘅最特別。
椰菜花沙律、九層塔油
8 瀏覽
0 讚好
0 留言
餐包：
竹炭、麥包，配上醋，新鮮香脆。店員仲一併附上抹手紙（好似平時用嘅面膜紙般，方便衛生。
餐包
8 瀏覽
0 讚好
0 留言
擺盤精美嘅前菜，有蛋沙律配黑魚子撻，撻皮薄脆，魚子醬鹹香，而且魚油豐富。
牛油果青檸米餅，食落酸酸甜甜，米餅脆口。
吞拿魚蓉配墨西哥脆片，魚蓉味道唔強烈，但魚籽鹹香，鮮味十足。
煙吞拿魚冇筋冇渣，炒黑白芝麻香增添口感，加上淡淡嘅牛油果蓉混合芥茉，味道唔會嗆。
9 瀏覽
0 讚好
0 留言
三文魚他他雪糕筒：
杯中放有貝殼，模彷沙灘造型，三文魚他他雪糕筒的的色色，好靚。相機食先一流，味道中規中矩，值得一讚雪糕筒夠脆口！
三文魚他他雪糕筒
11 瀏覽
0 讚好
0 留言
龍蝦濃湯：龍蝦湯質地稀身，呈微暖狀，味道香濃但唔會覺得鹹，美中不足冇龍蝦肉（因為我見單點要$168呢）
龍蝦濃湯
1 瀏覽
0 讚好
0 留言
磨菇忌廉湯：
磨菇湯味道濃郁，好似成榨磨菇放入口中，質地稠身唔膩。
磨菇忌廉湯
9 瀏覽
0 讚好
0 留言
食嘅係法國菜，所以喺上主菜前，餐廳都奉上雪葩，好讓客人清清口腔。
香茅雪葩配冬蔭公曲奇、荔枝雪葩配開心果曲奇：
實不相瞞，全晚最令我留低深刻印象就係香茅雪葩。成件事好泰式風味，香茅雪葩清香，配埋冬蔭公曲奇，後續強烈，辣嘅曲奇好特別，而且兩者配合得十分好荔枝雪葩配開心果曲奇本來都係出色之作，不過企喺香茅雪葩旁邊，當堂比下去呢。
香茅雪葩配冬蔭公曲奇、荔枝雪葩配開心果曲奇
13 瀏覽
0 讚好
0 留言
呢枝蝴蝶型嘅匙更非常靚。
龍蝦配青芒沙沙、青檸芒果蓉：
燒龍蝦已經起肉方便食用，size唔細，聞到陣陣燒烤味道，龍蝦肉彈牙爽口，配合芒果莎莎，香甜鮮味，唯墊底嘅果蓉味道苦澀。
龍蝦配青芒沙沙
13 瀏覽
0 讚好
0 留言
龍蝦配青芒沙沙、青檸芒果蓉
4 瀏覽
0 讚好
0 留言
龍蝦配青芒沙沙、青檸芒果蓉
7 瀏覽
0 讚好
0 留言
海膽煙肉幼蛋麵：
其實食到呢個位，我同男朋友已經開始飽肚，唔好睇少少款款份量好似唔多，因為餐廳上菜速度較慢，變相我地有較多時間消化，坐坐下就飽。
海膽配幼蛋麵，基本上係不死配搭，海膽食落就唔算話好鮮味，不過份量多，冇腥冇臭收貨啦。反而面頭嘅三文魚籽味道更突出。
另外加有少量煙肉碎、車厘茄，平衡整體味道。幼蛋麵軟硬適中，比較creamy，多吃會膩，二人分享剛好。
海膽煙肉幼蛋麵
5 瀏覽
0 讚好
0 留言
香煎深海驢魚配野菌、青豆蓉：
驢魚魚肉厚實，方便客人食用已經起骨，以秋葵伴碟減輕油膩感，而青豆蓉亦好滑溜。無驚喜，勝在四平八穩。
香煎深海驢魚配野菌、青豆蓉
8 瀏覽
0 讚好
0 留言
脆鱗馬頭魚、醬油豬五花蘋果塔：
馬頭魚反而不錯吃！魚肉滑溜，皮脆冇骨，而且魚油彭拜。以鵝肝菌作伴菜，感覺健康
旁邊嘅係豬五花配魚餅，食落有少少似扣肉，又有啲豬腳薑嗰種醋味，幾特別。魚餅上亦有加有幾片青蘋果絲，有助解膩。
脆鱗馬頭魚、醬油豬五花蘋果塔
10 瀏覽
0 讚好
0 留言
脆鱗馬頭魚
8 瀏覽
0 讚好
0 留言
草莓仙子：草莓乳酪配菠蘿乾、熱情果雪糕
呢道都可算係餐廳嘅signature，見鞋就一定知道係呢間餐廳嘅出品。
至於旁邊嘅伴碟，店員都解釋，其實都好花功夫製作，食完雪葩都唔好忘記，原來係新鮮菠蘿乾，以紅菜頭上色，做成花嘅模樣。
食落煙韌，菠蘿香突出，甜度適中，此甜品非常有驚喜。
草莓仙子：草莓乳酪配菠蘿乾、熱情果雪糕
4 瀏覽
0 讚好
0 留言
草莓仙子：草莓乳酪配菠蘿乾、熱情果雪糕
6 瀏覽
0 讚好
0 留言
薔薇甜心：青檸藍莓配荔枝雪葩
混合藍莓、青檸等材料做成玫瑰花形狀，十分細緻，燈光稍暗下驟眼睇仲有少少似黑玫瑰呢。
藍莓份量相信十分之多，食落就好似將一整盒藍莓倒入口中，清新香甜，加上荔枝雪葩，配合得宜。
只係我掛住影相，雪葩都開始融化了。
薔薇甜心：青檸藍莓配荔枝雪葩
4 瀏覽
0 讚好
0 留言
藍莓泡芙：
呢份係店員送上嘅是日甜品，當日第一日推出呢，有幸試到都好開心造型有少少似珍珠鍊架，好有心思藍莓泡芙即日製作，裡面更加有藍莓醬做成流心效果，感覺好似食緊法國有名嘅閃電泡芙。珍珠係白朱古力脆脆，三份甜品都令我留低深刻嘅印象。
藍莓泡芙
5 瀏覽
0 讚好
0 留言
甘菊花茶：
餐飲可選花茶，食左咁豐富嘅食物，選擇花茶作結最適合不過呢。
花茶以壺上，清新芳香，有需要可向店員加配蜜糖，更加香甜。
甘菊花茶
5 瀏覽
0 讚好
0 留言
整體而言，呢餐我地相當滿足啊。餐廳環境優雅，雖然未至於話少女心大爆發，但見到咁靚嘅環境，都忍唔住影多幾幅相。
價格或許令人有點卻步，只係食物質素相當不俗，而且店員服務非常好，細心招待，用餐體驗愉快！
不過提一提，呢餐我地都足足食左三小時架，認真似公主般慢慢食，上菜速度唔會好似快餐咁bangbang聲，預足時間呢。
張貼
