森美餐廳 (已搬遷) 新店位置

食完唯一仲未夠喉，兩個人便到了森美餐廳。因為之前食左野，只係叫左個燒牛肉沙律午餐同埋迷你芝士凍餅。 忌廉湯有足夠的粟米和煙肉碎，比較稀身... 唔會好溜。 燒牛肉沙律就幾好。首先，燒牛肉厚簿適中，味道剛好... 即係唔會太鹹。肉質唔錯，中上貨色。至於個沙律，我媽子就讚不絕口。首先，多菜，包括了生菜、青瓜、蕃茄同菠蘿，款款新鮮清甜。再加上佢面頭只係有少少沙律醬，可以調味得黎又唔會太溜。 芝士凍餅賣相吸引，上面有少少藍梅醬，質素唔錯。而芝士味濃得黎又唔會滯，再加上佢雪到半硬身，口感一流。餐廳應該是家庭式經營，手寫單同埋唔收加一。內裡裝修企理，像是外國小鎮的餐廳般。菜牌上的菜式不多，但頗為「精緻」... 相信會再來這間「癮世食肆」的﹗