一心素食 (已結業)

媽媽同婆婆話呢排唔太健康，要食下齋清清佢，我就搵左觀塘一間都幾多人食既平民齋舖同佢地一齊食。一行4個人叫左個4人套餐，先500幾蚊超級抵，7餸1湯，食到一半已經好飽打包左勁多野走。姬松茸豆腐湯素翅d素翅好逼真，爽口彈牙，松茸湯好濃郁，有d似酸辣湯但唔辣，飲完個湯飽左1/3。湯餃裡面有木耳麵筋，做足水餃既口感，份量多大大粒。一心pizza第一次見齋舖有pizza食，個餅底創新地用左手抓餅，煎得好香脆，上面灑左d提子乾，甜甜地幾過癮。東坡肉麵筋中間加左2層膠質，為左模仿真正東坡3層肉既口感，食落好有層次，膠質比起真既肥膏硬身。枝竹豆腐素火腩煲枝竹煮得好入味，個煲又夠保溫，放好耐都係暖既，火腩同樣都係麵筋，炆左好耐好入味。咖哩鮮蔬素肉腩開頭有d驚咖哩會伏，又唔係喎，送飯完全一流，好有驚喜，比較偏印度既味道，夠流沙。石鍋雜菌茄子猴頭菇石鍋好保到熱，去到走個刻都係滾架，茄子煮到好淋，d肉碎真既一樣，完全分唔出佢係齋。一心炒飯飯炒得好乾身，好夠獲氣。