美味佳 (已結業)

呢一間真係住喺紅磡嘅人 或者係住喺Poly既人 一定會識同一定會食過嘅一間串燒店 價廉物美 非常抵食既串燒🤤店鋪一直都人頭湧湧 成日都要等好耐位先可以入到去坐 入到去點單仲要等一陣時間食物先會黎 我去果次都已經算早 晚上7點幾都等左10分鐘先有位 入到去等20分鐘先有野食 但好味點都需要等🤤🤤真心有幾樣嘢必定推介嘅🍆燒茄子 茄子夠大條 調味落得啱啱好 孜然粉蒜蓉 配合得天衣無縫🐓 燒全翼 燒雞翼唔會燒到特別燶 脆皮得黎好好食🍖 燒台灣腸 司華力腸佢腸嘅味道 真係可以媲美台灣嘅夜市 足料好食而且重點最特別堂食 可以係咁淋佢啲沙嗲醬 佢會擺係張枱度比你任點 佢啲沙嗲醬真係世界級好食 真係非常之推介呢間串燒鋪