Have A Date (已搬遷) 新店位置

謝斐道都幾多野食，基本既粉麵、兩餸飯、三文治都有齊哂，原來連all day breakfast都有，仲要$50幾蚊就埋到單，非常經濟實惠，就係Have a Date👍🏻.餐廳既全日早餐由早上7時至下午6時供應，可以揀西冷牛扒/豬扒、雞肉腸、火腿、煎蛋/炒蛋，脆薯餅、牛油多士、雜菜湯通粉同熱飲一杯，聽到都覺得幾飽🤣下午茶去仲多抵食野，下午2時至6時價格最平只需要$20幾蚊，係灣仔搵到呢個價錢都算難得.上菜都幾快，而且雜菜湯通粉份量都唔少，不過湯唔係好濃稠，牛油多士烘得有點過度，偏燶左少少，不過外脆內軟，豬扒味道不錯🤤肉質軟稔，炒蛋幾滑，可自行調味