星藝廚坊

營業中

休息中

呢間可以話係午餐飯堂之一，喺荔枝角返工其實唔太多選擇，星藝廚房最近質素有所提升，應該係換咗廚房之故！食物出名抵食夾大件，除咗適合附近一帶寫字樓人士，附近嘅工程地盤人員都好多嚟幫襯，因為佢嘅大碗飯真係好飽！起碼有兩碗半白飯咁多！今日食咗豉椒排骨炒麵、咖啡紅豆冰！豉椒排骨炒麵啲面炸得好香脆，上面嘅豉椒排骨亦都炒得好香口，啲汁啱啱好，不過食得呢味餸，預咗晏少少都會飯氣攻心，因為有啲油膩，實會有啲口乾！另外個咖啡紅豆冰，真係相當唔錯！紅豆大大粒，夠淋又夠甜，份量非常之多！只係加＄9！都算係抵！總之同事諗唔到食乜嘢都會來幫襯呢間餐廳！