熊貓小雲吞 (慈雲山中心)

營業中

休息中

熊貓小雲吞喺各區都有分店，主打價廉物美嘅雲吞同埋川式小食，啱晒諗唔到食咩嘅時候去醫肚。適逢下午茶時間，見到有下午茶餐牌，就揀咗雞腎涼麵同埋高麗菜雲吞擔擔麵。 估唔到就算下午茶份量都咁多，女仔嚟講真係好容易食唔晒，雞腎涼麵嘅調味啱啱好唔會太鹹，仲有唔同嘅配料；高麗菜雲吞大大粒，配埋擔擔麵十分飽肚。下午茶仲可以加配小食，今次就食咗紅糖糍粑，紅糖糍粑外脆內軟，加埋紅糖醬亦都唔會太甜。今次仲嗌咗招牌一口豚肉小雲吞，喺五個口味裏面就揀咗黃金鮑魚豚肉雲吞同埋鮮蝦豚肉雲吞，兩款都好好味，夠晒足料，非常鮮味。舖頭入邊仲有好多唔同醬料同埋配料可以買走，咁啱枱面有樽香辣菜脯可以夾黎食，食過覺得幾好食，所以買咗一樽返屋企，價錢又平，真係好抵食！