桜

營業中

休息中

當日去元朗打算食久違嘅B仔涼粉, 喺附近發現呢間專賣手卷嘅小店， 同行嘅友人遲大到，而我又未食正餐，就叫左一個丼飯同手卷填下肚先。點解我覺得佢係專賣手卷呢？因為呢度手卷嘅選擇好多，但飯嘅選擇得幾個。價錢唔算貴，同葵廣個啲相約。饅魚飯 $58用返同樣價位嘅食物來做比較，其實呢個鰻魚飯都ok，有為數不少嘅蛋絲墊係底，鰻魚冇乜骨，如果個飯都有汁就更加好厚切三文魚腩手卷 $34真係勁厚切紫菜小脆，飯係暖既三文魚腩好肥美，重點係魚生份量好多，係食到底都仲有㗎！！呢度既手卷質素確實唔錯即叫即整有誠意，同埋望到入去個廚房，見到衛生各方面做得幾好，整體黎講值得推薦Ps 呢度只有立食。