松山素食 (已結業)

是日一行三人黎食午餐，一到午市，中上環啲餐廳都好多人，所以今次都等左約8分鐘先有位入得，本來想放棄去食第二間，點知第二間都要等，於是雙線投資，即使行開左兩三分鐘，呢間都好好預留左位俾我地，一行返去就有位入得。其實已經唔係第一次食佢，係上環返工已經食過好幾次。食到我地已經好醒甘follow佢某社交平台，預早睇埋餐單，睇定有咩食。佢外賣同堂食價錢唔同，好似三餸飯黎講，堂食48蚊，外賣只係33蚊炸，仲要有埋湯或糖水送，無論堂食定外賣，呢啲價位真抵到爛。重點平都算，食物質素仲好高，所以忍唔住寫食評讚下呢間小店。一去到就會有店員幫你落單同埋俾左錢先。我今日點左麻婆豆腐，芙蓉炒蛋同埋南乳豆卜白豆角。唔好睇到啲相以為肉黎，呢到叫得松山素食，全部菜式都係素食呢，啲素肉都整到好真，口感勁似真肉，味道岩岩好，餸飯一流，飯仲要係紅米飯，基本上食左幾次，啲湯同餸都冇失手，仲要食素就會自覺健康左。朋友們都係點左3餸飯。整體黎講，食物質素高，同埋成日大魚大肉，有時食下素食都係好事黎，最緊要仲要甘平，3餸一湯連飯48蚊，如果外賣仲只係33蚊炸，性價比勁高。同埋呢到係家庭式經營，門口會有啲叔叔幫手安排位同埋落單，佢地