鴻仔記車仔麵 (禾塘咀街) (已結業)

尼依到食4餸車仔麵真係超抵。4餸車仔麵(蠔皇花膠、炸醬、蟹柳、午餐肉、葱花、特量鴻仔辣汁、紅薯粉)，蠔皇花膠，煙韌有咬口，無炆到腍曬、爛曬，炆得幾入味;炸醬,調味唔會太重口味，味道幾清爽;蟹柳、午餐肉,份量都算多，味道中規中矩;特量鴻仔辣汁，味道唔算好辣，不過都夠惹味;紅薯粉，口感煙韌、幾掛汁。5餸車仔麵(冬菇、酸齋、泰式魚餅、咖喱魚蛋、蘿蔔、大量鴻仔辣汁、烏冬)，冬菇，炆得好腍，而且好大嚿;酸齋，味道酸甜、好開胃;泰式魚餅，摻和左D香料喺入面，味道好特別，魚香味濃;咖喱魚蛋，口感彈牙，咖喱味唔算太辣;蘿蔔，口感實中帶腍，味道清甜;大量鴻仔辣汁，鴻仔記獨有醬汁，必叫吖;烏冬，口感Q彈。鹽酥雞，炸粉、雞肉比例恰當，新鮮炸起好有肉汁，有孜然粉調味，整體幾香口。黑糖珍珠奶茶2杯，即係黑糖珍珠配港式奶茶，珍珠嘅黑糖味道濃郁，口感煙韌;奶茶茶底香濃，口感幼滑。