影片
更多
2012-11-05
640 瀏覽
第一篇食評>o<就送比期待已久嘅炭爐火鍋啦今日同王子專程去土瓜灣食炭爐火鍋，大家都第一次食，瓦煲加炭爐真係幾風味仲有埋炭燒，一去到就係咁問你燒唔燒，諗下都唔得/_\結果都要左先講湯底，蕃茄薯仔牛肉，都足料，係牛展來的^.^開始揀料，個靚姐企喺隔離，之後見我把揀唔定就話佢介紹下，佢話食墨魚，100蚊到，咁心諗試下無坊，然後又介紹大蜆，話80蚊到，有8隻，又叫左，之後仲有雞軟骨串，牛脷，招牌大水餃，皇帝菜，四宗丸逐樣講啦墨魚，一上，原來係可以當刺身，仲有兩三條鬚另上比你燒嘅，燒完幾香幾爽，ok，刺身，可能公主同王子都唔識欣賞墨魚刺身，用來邊爐好似好味啲。但店家由始至終都無講實價錢，之後王子問佢，佢先話都係100蚊鬆啲架咋，大佬錢泥架緊係要講實，佢先話百三蚊到架咋，公主一向唔會單食刺身，都唔知出面食開幾錢，又話一百鬆啲，依家又話約百三，結果埋單先講係$138，比我地感覺都係禁住搶大蜆，燒吃，都好鮮甜，不過有幾隻就都幾咸>w<又係佢話80鬆啲，結果埋單係$103，又係比人禁住搶肥牛，一碟好似兜亂左嘅牛肉，唔係雪藏一片片個啲，幾好味，都夠食，燒都好正。但係比錢時就
今日同王子專程去土瓜灣食炭爐火鍋，大家都第一次食，瓦煲加炭爐真係幾風味仲有埋炭燒，一去到就係咁問你燒唔燒，諗下都唔得/_\結果都要左
先講湯底，蕃茄薯仔牛肉，都足料，係牛展來的^.^
開始揀料，個靚姐企喺隔離，之後見我把揀唔定就話佢介紹下，佢話食墨魚，100蚊到，咁心諗試下無坊，然後又介紹大蜆，話80蚊到，有8隻，又叫左，之後仲有雞軟骨串，牛脷，招牌大水餃，皇帝菜，四宗丸
逐樣講啦
墨魚，一上，原來係可以當刺身，仲有兩三條鬚另上比你燒嘅，燒完幾香幾爽，ok，刺身，可能公主同王子都唔識欣賞墨魚刺身，用來邊爐好似好味啲。但店家由始至終都無講實價錢，之後王子問佢，佢先話都係100蚊鬆啲架咋，大佬錢泥架緊係要講實，佢先話百三蚊到架咋，公主一向唔會單食刺身，都唔知出面食開幾錢，又話一百鬆啲，依家又話約百三，結果埋單先講係$138，比我地感覺都係禁住搶
大蜆，燒吃，都好鮮甜，不過有幾隻就都幾咸>w<又係佢話80鬆啲，結果埋單係$103，又係比人禁住搶
肥牛，一碟好似兜亂左嘅牛肉，唔係雪藏一片片個啲，幾好味，都夠食，燒都好正。但係比錢時就發現，王子明明叫肥牛係諗住$78嘅美國肥牛，店家就當係$118的手切肥牛/0\又係埋單先知，真係要小心啲，唯有怪自己無問清楚講清楚;(
雞軟骨$24，緊係燒啦，好香，好好味，依個比讚。都係我地燒得好XD
牛脷$42，都ok，燒同烚都得
四寶丸$38，普通野，牛，貢，魚，墨魚
大水餃$32，得6粒，我同王子都打左個特，但係入面有大大隻爽口蝦，足料，都叫值番個價，幾好
皇帝菜$30，都大碟，不過不失
兩人每人兩枝忌廉8蚊枝
食完埋單$672，都幾貴，話就話岩岩出糧，但都幾出乎意料，王子開頭都係估五百零蚊，真係估唔到。喺到溫馨提示大家，去食點料時真係要問清價錢同講清楚，如果唔係就好似公主王子咁，保唔住個荷包了~~~不過依間都係試過就算，唔會再特登入去食了
張貼
