龍驤 (已結業)

又到左一年一度既女朋友仔生日，其實最苦惱就係呢d日子搵野食，因為自己會俾左d壓力同要求，第一又要唔可以太平，第二食物質素又唔可以太過低，所以都搵左d唔同既餐廳比較。無意間search到呢間龍驤，差不多95%以上都係好評，好於是乎就訂定檯試試佢個鐵板2人餐料理！基本上第一個主菜刺身拼盤，雖然每樣野都只得兩舊，但刺身既質素同新鮮度都相當之唔錯，一食落口巳知道有質素，而之後既海膽飯就中規中矩唔算好靚但又唔算好差，反而陸續黎既串燒同燒野菜都燒得好香口火候岩岩好！不過最期待既燒薄安格斯牛扒就令人有少少失望，因為佢個整法係包左好大量既炸蒜喺牛扒入面，變左一食落口既時候大量既炸蒜好鹹同好重味，完全搶去晒塊安格斯既味道，此舉唔知係咪想摭蓋塊安格斯既質素唔夠？就不得而知，於是乎我同女友食第二舊時都撥走晒入面d炸蒜先再食！仲有個燒蝦就真係絕對值得推介，燒得岩岩好，蝦肉又彈牙又夠鮮味，蝦頭舊肉都非常juicy，同埋佢個汁配合個蝦肉都非常可口！最後總結係呢間個質素都屬於中上，我特別推介食佢地既串燒同燒物，因為真係燒得好好食😋！至於價錢，呢個餐原價每位$890，openrice訂可享6折$534一位，未計加一同