喜泰味

營業中

休息中

喺附近買開嘢，隔離個麗閣商場行咗兩個圈都唔啱食，出嚟就見到間泰國嘢下午茶餐，三十幾至四十幾不等，包埋嘢飲，通漲猛於虎既時期黎講都算係抵食👍舖面闊落，我入去嘅時候得兩台枱客，本身都驚伏味濃，不過走嘅時候一大班人入咗嚟，相信係區內都有熟客幫襯開👍叫咗個火車頭炒飯，賣相就一般般，整體味道算唔錯嘅，但雞肉有少少「鞋」，成碟飯略為有啲偏油，食完個底會有成浸油，但勝在有條真係食得嘅芥蘭食吓。跟餐叫咗檸蜜，唔使加錢，不過非常淡性價比係高嘅，味道正常合理，不過淨係收現金同支付寶，就唔太方便