HighFive (已結業)

今日兩大兩小到九龍城午餐。見聯發人龍，便隨意選一間附近嘅餐廳。見呢間High Five 幾企理又有位(入去時只有一對父子客)，於是入內。午市套餐大概6款左右，包括咖哩煎雞扒，意大利飯及兩款煎魚，等等。我哋叫兩個雞扒午餐及 À la carte 散叫一份 carbonara 意粉。叫餐時侍應哥哥話其中一款魚無。同時間聽到僯枱女仕叫肉醬意粉。侍應哥哥話未有肉醬(?!)。那女仕放棄幫襯走咗。本來心中感到此餐廳好似未 ready 就開門做生意，不過見已落 order 就即管留下。等咗一陣，兩個套餐嘅 green salad 就到。見到d沙律菜啡黃色，入口偏酸，以為太多醋。叫侍應哥哥更換其中一碗未食嘅。他再拿來一碗未加 dressing 嘅 salad 同另上一小碟olive oil 加 vinegar。此安排原本算頗貼心。點知原來d淨菜本身已變啡黄，而並非由dressing 所致。實在令人倒胃。之後，等了成10 分鐘才上套餐嘅黑松露磨菇湯。自問在其他西餐廳吃過很多次這湯，但從未見過如此深色嘅磿菇湯。入口帶些酸，可能又加咗黑醋。黑松露味? 唔係好聞到有。跟住再等好耐才上carbonara 同一份