影片
更多
2024-10-02
836 瀏覽
呢間店一直都好想試，不過之前都做足 research，食評都係普遍話如果呢個價格定位唔係好值。但係，一間咁標誌性嘅店，點都試一試啦。牡蠣🦪清湯拉麵🍜香味 (4/5) - 一聞落去，香味係足。主要係聞到蠔味，煙燻味，同少少鰹魚味。湯頭 (3/5) - 本身係清湯，飲落有蠔味同貝類嘅鮮甜味，鮮度夠，不過鹹度稍為高左D。個拉麵入面有一堆鰹魚粉，本身個粉我有試過，係不帶鹹味嘅，所以我覺得佢過鹹左D，係因為個調料，相信係鹽湯加多左。而且，撈勻左個鰹魚粉之後，個湯就變得混濁了，以下張圖係撈埋堆鰹魚粉之後影嘅。麵條 (3/5) - 以粗度來講，目測係中細麵或中太麵之間，而明顯係平打麵，比較扁身。麵條口感味道都算唔錯嘅。配料 (3.5/5) - 因為係牡蠣拉麵，當然著眼點係個蠔本身。試落，基本上係急凍廣島蠔，係夠鮮嘅，不過冇驚喜。此外，蔥係有心機嘅，我估係用九條蔥，切成條狀，刀功值得一讚。另外有加左食用花，增加香味同味道層次。豬叉燒係最好嘅部份，有用火槍燒過，好香之餘，就算用嘅係五花肉部份，都唔會太油膩。咁多配料當中，只有呢塊（得一塊😅）我係珍而重之咁食。蝦雲吞方面，皮薄餡靚，係幾好食，蝦頗鮮又爽口。
牡蠣🦪清湯拉麵🍜
牡蠣🦪清湯拉麵🍜
$158
28 瀏覽
0 讚好
0 留言
香味 (4/5) - 一聞落去，香味係足。主要係聞到蠔味，煙燻味，同少少鰹魚味。
湯頭 (3/5) - 本身係清湯，飲落有蠔味同貝類嘅鮮甜味，鮮度夠，不過鹹度稍為高左D。個拉麵入面有一堆鰹魚粉，本身個粉我有試過，係不帶鹹味嘅，所以我覺得佢過鹹左D，係因為個調料，相信係鹽湯加多左。而且，撈勻左個鰹魚粉之後，個湯就變得混濁了，以下張圖係撈埋堆鰹魚粉之後影嘅。
麵條 (3/5) - 以粗度來講，目測係中細麵或中太麵之間，而明顯係平打麵，比較扁身。麵條口感味道都算唔錯嘅。
配料 (3.5/5) - 因為係牡蠣拉麵，當然著眼點係個蠔本身。試落，基本上係急凍廣島蠔，係夠鮮嘅，不過冇驚喜。
此外，蔥係有心機嘅，我估係用九條蔥，切成條狀，刀功值得一讚。另外有加左食用花，增加香味同味道層次。
豬叉燒係最好嘅部份，有用火槍燒過，好香之餘，就算用嘅係五花肉部份，都唔會太油膩。咁多配料當中，只有呢塊（得一塊😅）我係珍而重之咁食。
蝦雲吞方面，皮薄餡靚，係幾好食，蝦頗鮮又爽口。因為响香港食拉麵，極少會遇到有配雲吞，所以呢吓加左分。
溏心蛋方面，佢聲稱係用櫻木煙燻，都勉勉強強食得出，同一般煙燻過嘅蛋係有區別。而且，生熟度係最完美嘅狀態。呢隻蛋雖然係要另外叫，但都算值得。
櫻木煙燻溏心蛋
$15
35 瀏覽
0 讚好
0 留言
整體 - 如果唔嫌貴，一試無妨。
配料方面點解會比得 3.5分，因為我係衝住蠔去食，而蠔真心冇貨交。而且，當鰹魚粉撈左落去，個湯本身嘅鮮味變左比鰹魚味主導晒，立刻食唔出個湯本身應有嘅味，少少可惜。
張貼
