影片
更多
2014-09-19
1602 瀏覽
這店約在06年左右見開了這間比較搶眼的燒臘店, 唔清楚是它本來已經在這裏翻新過裝修還是從另一條街搬過來的, 轉眼已經8個年頭, 咁啱這天經過這裏又要吃些東西, 就入內試一次吧! 我們只要了兩個下午茶餐,我的餐是單拼燒味湯麵(燒鴨麵) + 奶茶 : 燒鴨普普通通啦, 因為是翼脾基本上唔會太美味, 但肉質不致太乾! 皮下脂肪唔算多, 上面灑些炸蒜碎雖不正宗但效果不錯, 生麵反而幾好味, 有咬口的麵質亦沒有重梘水氣味, 奶茶亦並未太出色, 還跟兩條菜芯算係咁啦!太座叫的下午茶特餐 : 义燒米/ 火腿絲奄列/ 厚多士, 主角义燒好瘦似乎隻豬有病喎, 咁瘦嘅豬肉都有! 好彩有湯水浸住不致太乾睜睜, 厚多士烤得不錯又夠厚身, 個火腿絲奄列雖則一般但起碼個蛋皮面乾乾淨淨沒有半點燶燶嘅黑點,但睇下個餐牌這裡的燒鵝相當高貴好似要成接近五百蚊一隻, 不愧係中環, 還有留意到這裡興將自己的菜式冠名, 非常有趣, 例如: 華豐手打花枝四寶俏皮(小丸子) Deep fried hand-beaten cuttlefish ball with broccoli $80酥炸(Peter仔) Deep fried P
轉眼已經8個年頭, 咁啱這天經過這裏又要吃些東西, 就入內試一次吧! 我們只要了兩個下午茶餐,我的餐是單拼燒味湯麵(燒鴨麵) + 奶茶 : 燒鴨普普通通啦, 因為是翼脾基本上唔會太美味, 但肉質不致太乾! 皮下脂肪唔算多, 上面灑些炸蒜碎雖不正宗但效果不錯, 生麵反而幾好味, 有咬口的麵質亦沒有重梘水氣味, 奶茶亦並未太出色, 還跟兩條菜芯算係咁啦!
太座叫的下午茶特餐 : 义燒米/ 火腿絲奄列/ 厚多士, 主角义燒好瘦似乎隻豬有病喎, 咁瘦嘅豬肉都有! 好彩有湯水浸住不致太乾睜睜, 厚多士烤得不錯又夠厚身, 個火腿絲奄列雖則一般但起碼個蛋皮面乾乾淨淨沒有半點燶燶嘅黑點,
但睇下個餐牌這裡的燒鵝相當高貴好似要成接近五百蚊一隻, 不愧係中環, 還有留意到這裡興將自己的菜式冠名, 非常有趣, 例如: 華豐手打花枝四寶俏皮(小丸子) Deep fried hand-beaten cuttlefish ball with broccoli $80
酥炸(Peter仔) Deep fried Preserved egg wrapped in hand-beaten cuttlefish Paste $80
Preserved Egg = 皮蛋是也!! 其實咪同泰菜的一樣!沒什麼創意的中廚
花心(老餅) Deep fried hand-beaten cuttlefish Paste with diced Chinese cabb $80
咪即係”窩貼小棠菜”囉
脆緻(蘇蝦仔) Deep fried shrimp wrapped in hand-beaten cuttlefish paste $78 for two ,$148 for four
墨魚膠包住隻蝦去炸之!
或者下次有機會再去試下晚飯啦!
張貼
