8鍋臭臭鍋 (金巴利道) (已結業)

難得放假，陪好朋友去尖沙咀婚紗街試完婚紗，大家都餓到打晒鼓，諗都唔諗又去8鍋臭臭鍋度擦餐勁我地四個人叫左2個鍋(臺式麻辣鍋(中辣)，蕃茄白豚鍋)。每個鍋可以因個人喜好選擇飯或粉絲，夠彈性，我鐘意🤤🤤臺式麻辣鍋-夠香夠辣，但如果係好辣既朋友可以選擇大辣，應該會更惹味(因為後期唔夠湯會加湯，會沖淡左少少個湯底)蕃茄牛肉鍋-完隻蕃茄切件放落湯底，足料，食之前將蕃茄壓爛同湯底一齊煲更惹味，越食越香濃，越食越開胃，有驚喜。每個鍋都有牛肉，喜愛牛肉既朋友食得唔夠喉，可以再encore！牛肉雪花分明，肥瘦適中，令人一食想再食，絕對唔會失望。小食叫左炸花枝丸，即炸即上，加上泰式辣醬既點綴，一食想再食😋台灣腸(蜜糖味)，不過不失，同平時台灣街頭食開既差不多。鹽酥雞外脆內juicy,外層仲有香草既點綴，雙重口感，一個字，正！飲品十分有驚喜，本人叫左水蜜桃綠茶，茶味夠香，而且有淡淡水蜜桃既果香，甜味適中，可以舒緩鍋物既油膩感，完美配搭。鍋物加小食，價錢亦相貼地，而且環境寬敞舒適，適合三五知己共聚晚餐，值得回味