瘋鳥 (已結業)

由於要喺附近睇中醫，所以就入咗去呢間Cafe餐廳試吓lunch。見到個餐牌有六款套餐選擇，有沙律、意粉、漢堡包等等嘅款式，我哋就揀咗一個夏威夷波羅雞沙律同埋番茄鴛鴦腸意大利粉。個沙律普普通通，冇乜特別，都係啱啲減肥嘅人士去食架啦！蔬菜都新鮮望落去五顏六色，好健康嘅一個lunch set。我嗰個意大利粉，望落去每一條意粉都有番茄碎，而且有兩隻唔同嘅腸仔，仲要係薄切，我想去都幾colorful！而且個鍋好熱，可以保持住啲溫度，口味方面都幾濃嘅味道，啲肉腸有一款比較辣，好彩我食得辣，建議可以話返比客人知！熱朱古力都好有心機整，面頭有個拉花，而且都好濃嘅味道，好味！整體來講都算好味！