影片
更多
2021-09-05
315 瀏覽
美林新開薩莉亞當然要試下！環境開明闊落，感覺舒適。（但竟然食到肚疴？）黎到薩莉亞，最鍾意食嘅就係明太子魷魚蝦仁意大利粉。另外仲叫咗農舍薄餅、脆脆蝦、煙肉菠菜。同其他分店水準一樣，明太子魷魚蝦仁意大利粉都係一樣咁好食。不過送上嚟就一啲都唔會覺得係熱辣辣，只係暖暖地。但味道我係好鍾意嘅， 鹹鹹香香又 creamy嘅明太子醬加上海鮮，幾好食。至於農舍薄餅，餅底硬但又唔係脆口個種，有啲韌同唔新鮮嘅感覺。有蕃茄汁、菇、洋蔥、芝士嘅味道，但每個味道都唔會話有好香好突出嘅感覺，整體就係好普通。而煙肉菠菜就普普通通啦，有好重黑椒嘅味道。菠菜係煮得好林幾好食嘅，不過應該叫反芝士菠菜會好食啲。脆脆蝦炸皮偏厚同硬，但當 小食咁食下加上佢價錢非常便宜，都值得一叫嘅。番外篇：我同家姐不約而同地食完之後都肚疴。唔可以寫包單話係因為呢度嘅食物而肚痾，但我哋分析過呢個係最有可能嘅原因，因為大家共同食過嘅嘢只有呢度個農舍薄餅。 但由於都無法確定，所以大家自行判斷啦。總結，以呢個價錢，食物其實真係好抵嘅。（但有冇肚屙就另計啦😂）
黎到薩莉亞，最鍾意食嘅就係明太子魷魚蝦仁意大利粉。另外仲叫咗農舍薄餅、脆脆蝦、煙肉菠菜。同其他分店水準一樣，明太子魷魚蝦仁意大利粉都係一樣咁好食。不過送上嚟就一啲都唔會覺得係熱辣辣，只係暖暖地。但味道我係好鍾意嘅， 鹹鹹香香又 creamy嘅明太子醬加上海鮮，幾好食。至於農舍薄餅，餅底硬但又唔係脆口個種，有啲韌同唔新鮮嘅感覺。有蕃茄汁、菇、洋蔥、芝士嘅味道，但每個味道都唔會話有好香好突出嘅感覺，整體就係好普通。而煙肉菠菜就普普通通啦，有好重黑椒嘅味道。菠菜係煮得好林幾好食嘅，不過應該叫反芝士菠菜會好食啲。脆脆蝦炸皮偏厚同硬，但當 小食咁食下加上佢價錢非常便宜，都值得一叫嘅。
番外篇：我同家姐不約而同地食完之後都肚疴。唔可以寫包單話係因為呢度嘅食物而肚痾，但我哋分析過呢個係最有可能嘅原因，因為大家共同食過嘅嘢只有呢度個農舍薄餅。 但由於都無法確定，所以大家自行判斷啦。
總結，以呢個價錢，食物其實真係好抵嘅。（但有冇肚屙就另計啦😂）
張貼
