HMV Kafé (已結業)

同男朋友行經銅鑼灣又唔知食咩好，醒起hmv入面都有餐廳，就打電話去book位試下啦！一入去發現環境都幾好，幾有氣氛，好適合情侶撐枱腳。但係大班人就麻麻喇，太黑喇😂😂可能六點半比較早，加埋哂先得5枱人，所以坐得好舒服！食物種類都幾多，對於有選擇困難症的我真係一大難題🙈🙈🙈我地兩個都唔算好肚餓，所以決定叫一個主菜，另外一個沙律同前菜就算喇！沙律叫左凱薩沙律，前菜就係意式蕃茄醬香腸卷，再加巴馬火腿芝麻菜pizza。普普通通的凱薩沙律都好特別喎！沙律一上枱就已經撈好左，每塊生菜都有滿滿的醬汁，食落仲發現有陣魚味！應該除左沙律醬之外，仲加左魚油！😳😳好唔好食就見人見智喇，我本人就麻麻地魚味🙊🙊🙊反而香腸卷有驚喜！侍應放低的時候貼心提醒我地可能會有少少咸，幫我地打個底先！原來個香腸卷係煙肉包住香腸，所以有會有d咸！但係連埋底的洋蔥一齊食，味道啱啱好，好好食呀！🤤🤤🤤🤤最後仲有巴馬火腿芝麻菜pizza! 嘩，一上枱就見到勁多芝麻菜，好足料呀！😱😱😱Pizza 味道普普通通，但係有太多芝麻菜，我地又唔係太鍾意食芝麻菜，食落個pizza就變得苦左d！🙈🙈呢度氣氛ok，食物都還可以，但價錢就偏貴。侍應唔知