影片
更多
2022-07-15
569 瀏覽
上星期同朋友係離港講前道別， 揀咗呢一間位於銅鑼灣CUBUS嘅《 花貝日本料理》食Omakase 。一踏出𨋢門，就感受到呢度嘅高雅氣息。松樹加上原木，感覺自然亦高貴。 呢度嘅Omakase有幾款選擇。由$588起，任君選擇。今次就選擇咗最豐盛嘅板前Omakase $888， 嚟餞行友人。先來《前菜三小碟》胡麻醬菠菜，菠菜選用咗最幼嫩嘅部分， 加上咗日本麻醬及木魚絲，配搭雖簡單，但美味。日本醋水雲， 係沖繩嘅特產。海雲其實係一種海藻，加入醋來涼拌，帶有微酸，既健康亦開胃。醬油海草莖，伴隨獅子狗卷及蒟蒻，鹹鹹香香， 令人食慾大增。《刺身五品》師傅先了解食客喜好， 再挑選出幾款新鮮嘅刺身。白色的劍魚腩， 肉質較為實淨、而且爽身。 油份十足， 帶有魚油香。粉紅色嘅大拖羅， 入口即溶， 魚油融化在味蕾之中，回甘十足。牡丹蝦，味道鮮甜，一入口就感受到蝦肉彈牙。帆立貝， 同樣以鮮甜味取勝。象拔蚌， 肉質爽嫩，咬落有質感。 鮮甜得黎亦帶海水味， 夠曬新鮮。之後來一個小間場， 幾款漬物《牛蒡、紅蔥頭、生薑》《手握壽司十款》鮫鰈魚壽司， 肉質較為鬆軟，但係味道鮮甜。鰤魚壽司， 選用咗魚腩部位，油份充足，
一踏出𨋢門，就感受到呢度嘅高雅氣息。
松樹加上原木，感覺自然亦高貴。
呢度嘅Omakase有幾款選擇。由$588起，任君選擇。
今次就選擇咗最豐盛嘅板前Omakase $888， 嚟餞行友人。
先來《前菜三小碟》
胡麻醬菠菜，菠菜選用咗最幼嫩嘅部分， 加上咗日本麻醬及木魚絲，配搭雖簡單，但美味。
日本醋水雲， 係沖繩嘅特產。海雲其實係一種海藻，加入醋來涼拌，帶有微酸，既健康亦開胃。
醬油海草莖，伴隨獅子狗卷及蒟蒻，鹹鹹香香， 令人食慾大增。
《刺身五品》
師傅先了解食客喜好， 再挑選出幾款新鮮嘅刺身。
白色的劍魚腩， 肉質較為實淨、而且爽身。 油份十足， 帶有魚油香。
粉紅色嘅大拖羅， 入口即溶， 魚油融化在味蕾之中，回甘十足。
牡丹蝦，味道鮮甜，一入口就感受到蝦肉彈牙。
帆立貝， 同樣以鮮甜味取勝。
象拔蚌， 肉質爽嫩，咬落有質感。 鮮甜得黎亦帶海水味， 夠曬新鮮。
之後來一個小間場， 幾款漬物《牛蒡、紅蔥頭、生薑》
《手握壽司十款》
鮫鰈魚壽司， 肉質較為鬆軟，但係味道鮮甜。
鰤魚壽司， 選用咗魚腩部位，油份充足， 配上一抹芥末籽， 感覺新奇有趣。
深海池魚壽司， 肉質細嫩爽口帶油份 ，配上麵豉醬，意想不到配合。
甜蝦壽司，不負其名，清甜可口。
赤貝壽司， 橙色嘅肉身爽脆， 配上一抹檸檬，清香撲鼻。
拖羅壽司， 油脂分佈平均，紋理細緻，入口即溶，魚油香佈滿味蕾。
小肌魚壽司， 小肌魚並非屬名貴魚種。醋漬之後加上一抹薑蓉，酸度適中。
金目鯛壽司， 粉紅嘅魚身經過微微火炙，令油份逼出，肉質細緻肥美，加上少少柚子蓉， 提升味覺。
赤鯥魚壽司， 赤鯥魚和喜之次齊名。口感非常之綿滑， 入口即溶，肉質非常之鮮甜， 油脂豐富， 果然不負眾望。
海膽壽司， 用咗金黃色嘅北海道海膽， 細緻，回甘十足，令人回味無窮。
《卷物》
日本有一道平民美食名干飄卷，指經過醃製嘅葫蘆瓜， 酸甜甜， 容易入口。
《湯品》
蟹噌醬湯， 湯頭清甜，裡面放了用蟹肉搓成嘅球， 用料十足，鮮甜無比。
《甜品》
赤肉蜜瓜配黑糖蕨餅， 赤肉蜜瓜帶有蜂蜜嘅蜜香，清甜無比。 黑糖蕨餅口感煙Q彈，讚！
整體而言，這一餐Omakase 價錢公道，所選用嘅材料新鮮， 值得推薦。
張貼
