棠記海鮮小廚

營業中

休息中

呢一間位於屯門三聖村嘅棠記海鮮小廚，係肥雞喺咁多間海鮮專門店覺得最好味嘅一間，唔單止因為佢食物出眾， 而且佢嘅價錢都好公道。今次肥雞決定豪一豪，試咗兩隻手臂咁大嘅椒鹽瀨尿蝦，肥雞食嗰隻仲要有膏， 成隻瀨尿蝦炸得非常之香脆，淨係舐佢個殼已經食到好濃烈嘅椒鹽味，新鮮嘅瀨尿蝦肉配上微辣嘅椒鹽，成件事真係好幸福。佢嘅鹽焗奄仔蟹，成隻蟹都爆膏，蟹肉嘅香甜配上香滑嘅蟹膏，真係似頰留香。再試埋佢嘅酥炸牛坑腩，牛坑腩炆得非常之軟淋，配埋香脆嘅炸粉，呢種神奇嘅嘗試令肥雞留下非常之深刻嘅印象。